நடிகை லீனா ஆபாச படத்தில் நடித்தாரா? என்ற திடுக்கிடும் கேள்வி எழுந்துள்ளது. இது தொடர்பாக அவர் கொடுத்துள்ள வாக்குமூலத்தில் பரபரப்பு தகவல்களை வெளியிட்டுள்ளார்.
வாக்குமூலம்
நடிகை லீனா போலீஸ் காவலில் வைத்து விசாரிக்கப்பட்டார். விசாரணையில் லீனா பரபரப்பு தகவல்களை வெளியிட்டுள்ளார். இது தொடர்பாக இந்த வழக்கை விசாரிக்கும் மத்திய குற்றப்பிரிவு போலீஸ் அதிகாரி ஒருவர் கூறியதாவது:– நடிகை லீனா நல்ல குடும்பத்தில் பிறந்தும், தனது தவறான நடவடிக்கைகள் மூலம் இந்த நிலைக்கு தள்ளபட்டுள்ளார். அவரது காதலன் சுகாஷ் ஒரு மோசடிப் பேர்வழி என்று தெரிந்தும், அவனிடம் மனைவி போல வாழ்ந்துள்ளார். 3 முறை கர்ப்பமாகி கலைத்துள்ளார். அவனது மோசடி லீலைகளுக்கு துணை போய் இருக்கிறார்.
அவரது காதலன் சுகாஷ் தனது 17–வது வயதிலேயே மோசடிதொழிலை தொடங்கி விட்டார். சுகாஷ் பிளஸ்–1 வரை படித்தவர். சுகாசின் தாய்–தந்தையும் மோசடி பேர்வழிகள்தான். அவர்கள் மீது பெங்களூர் போலீசில் 15 வழக்குகள் நிலுவையில் உள்ளன. சுகாசின் வங்கி கணக்குகளை ஆராய்ந்து வருகிறோம். மோசடி பணத்தில் 9 சொகுசு கார்கள் வாங்கி இருப்பது தெரிய வந்துள்ளது. மேலும் சொத்துக்கள் ஏதும் வாங்கி இருக்கிராறா? என்றும் லீனாவிடம் விசாரித்தோம்.
விமானத்தில்......
மோசடி செய்த பணத்தில் நடிகை லீனா, காதலனுடன் உல்லாச வாழ்க்கையை அனுபவித்துள்ளார். தனியாக விமானத்தை வாடகைக்கு எடுத்து, சொகுசாக இருவரும் சுற்றி உள்ளனர். லீனாவின் ஆபாச படங்களை கைப்பற்றி இருக்கிறோம். அவருக்கு சேலை போன்ற நல்ல ஆடைகள் எதுவும் இல்லை. டெல்லியில் அவரது வீட்டில் சோதனை போட்ட போது, குட்டை பாவாடை போன்ற கவர்ச்சியான ஆடைகள் மட்டுமே இருந்தன. சுடிதார் கூட இல்லை. சென்னையில் இருந்து சென்ற பெண் போலீஸ் சப்–இன்ஸ்பெக்டர் தனது சுடிதாரை லீனாவுக்கு அணிய வைத்துதான் அழைத்து வந்தார்.
இதை வைத்து பார்க்கும்போது, லீனா ஆபாச படத்தில் ஏதும் நடித்துள்ளாரா? என்ற சந்தேகம் ஏற்பட்டது. அது பற்றி லீனாவிடம் விசாரித்தபோது, லீனா அழுது விட்டார். எனது வாழ்க்கையை சுகாஷ் சீரழித்து விட்டான் என்று மட்டும் தெரிவித்தார்.
2 நடிகர்கள்
2 தமிழ் நடிகர்கள் சுகாசுக்கு நெருக்கமாக இருந்துள்ளனர். அவர்களிடமும் விசாரணை நடத்த உள்ளோம். மேலும் 2 நாட்கள் மீண்டும் லீனாவை காவலில் எடுத்து விசாரிக்க உள்ளோம். அப்போது மேலும் திடுக்கிடும் தகவல்கள் வெளியாகும் என்று எதிர்பார்க்கிறோம். இவ்வாறு அந்த அதிகாரி கூறினார்.
நன்றி:தினத்தந்தி
Related Article: