"அய்யா தெரியாதையா"

"கலை மற்றும் அறிவியல் கல்லூரிகளில் மாணவர்கள் உள் தேர்வுகளை ஆங்கில மொழியில் எழுத வேண்டும் என்ற உத்தரவு என்னுடைய கவனத்திற்குக் கொண்டு வரப்படாமல் தமிழ்நாடு மாநில உயர்கல்வி மன்றத்தால் வெளியிடப்பட்டுள்ளது "

--என்று முதல்வர் ஜெயலலிதா தெரிவித்துள்ளார்.

இது தொடர்பாக அவர்  வெளியிட்ட அறிக்கையில், "தமிழ்நாட்டில் கலை மற்றும் அறிவியல் கல்லூரிகளில் பயிலும் மாணவ – மாணவியர் தங்களுக்கான உள் தேர்வுகளை ஆங்கில மொழியில் எழுத வேண்டும் என்று தமிழ்நாடு அரசு உத்தரவிட்ட செய்திகள் வந்துள்ளன.

இது குறித்து இன்று தலைமைச் செயலகத்தில் உயர் கல்வித் துறை அமைச்சர், தலைமைச் செயலாளர் மற்றும் உயர்கல்வித் துறை செயலாளர் ஆகியோருடன் விரிவாக விவாதித்தேன்.

இந்த விவாதத்தின் போது,  ஆங்கில வழியில் பயிலும் மாணவ-மாணவியர் ஆங்கில மொழி திறனை வளர்த்துக் கொள்ள தங்களது உள் தேர்வுகளை ஆங்கிலத்தில் எழுத வேண்டும் என்று தமிழ்நாடு மாநில உயர்கல்வி மன்றம் உத்தரவிட்டு இருப்பதாகவும், தமிழ் வழியில் பயிலும் மாணவ-மாணவியருக்கு இது பொருந்தாது என்றும் தெரிவிக்கப்பட்டது.

இந்த உத்தரவு என்னுடைய கவனத்திற்குக் கொண்டு வரப்படாமல் தமிழ்நாடு மாநில உயர்கல்வி மன்றத்தால் வெளியிடப்பட்டுள்ளது.

ஆங்கில மொழி வழியில் அல்லது தமிழ் மொழி வழியில் பயின்றாலும், மாணவ-மாணவியர் தமிழில் உள் தேர்வு எழுத அனுமதிக்கப்பட வேண்டும் என்பது தான் எனது எண்ணம் ஆகும்.

எனவே, ஆங்கில மொழி வழியில் பயிலும் மாணவ-மாணவியரும் தங்களது உள் தேர்வுகளை தமிழ் மொழியில் எழுத அனுமதிக்குமாறு அரசு உயர் அதிகாரிகளுக்கு உத்தரவிட்டுள்ளேன்.  இதன் அடிப்படையில், தற்போது தமிழ்நாடு உயர்கல்வி மன்றத்தால் வெளியிடப்பட்டுள்ள இந்த உத்தரவை திரும்பப் பெற நான் ஆணையிட்டுள்ளேன்.

எனவே, அனைத்து மாணவ-மாணவியரும் தங்களது உள் தேர்வுகளை அவரவர் விருப்பப்படி, தமிழிலோ அல்லது ஆங்கிலத்திலோ எழுதலாம் என்பதைத் தெரிவித்துக் கொள்கிறேன்" என்று ஜெயலலிதா கூறியுள்ளார். 

ஒவ்வொரு துறைக்கும் ஒரு அமைச்சர் இருக்கிறார்
அவருக்கு தன் துறை சார்ந்த அனைத்து நடப்புகளுக்கும் பொறுப்பு இருக்கிறது புதிய திட்டங்களை அறிவிக்கும் கடமை உண்டு.
ஆனால் என்ன நடக்கிறது?
அந்தந்த துறை அமைச்சருக்கே தெரியுமோ தெரியாதோ பல புதிய அறிவிப்புகளை முதல்வரே சட்டசபை விதி 110ன் கீழ் அனைத்து துறையின் சார்பாக படிக்கிறார்.
அதுவும் "என் தலைமையின் கீழுள்ள"
"என் அரசு" என்று வரிக்கு வரி சொல்கிறார்
அப்படியிருக்க தனக்கு தெரியாமலே உள் தேர்வுகளை ஆங்கில மொழியில் எழுத வேண்டும் என்ற உத்தரவு வந்தது என சொல்வதுபொருத்தமாக தெரிகிறதா?

இந்த அம்மையாருக்கு தெரியாமலேயே யாரோ ஒருத்தர் , தேர்தல் சமயத்தில் வேட்பாளர் பட்டியலை வெளியிட்டு விட்டார்கள். இதே அம்மையாருக்கு தெரியாமல் யாரோ ஒருத்தர், சென்னை - அண்ணா நகர் - நினைவு வளைவை உடைக்க பார்த்தார்கள். இப்போ கூட ஜெயலலிதாவுக்கு தெரியாமல் ஆங்கிலத்தை புகுத்தப்பார்த்தார்கள். எல்லா சமயங்களிலும் அம்மையார் திடீர் திடீரென்று விழித்துக்கொள்வதால் ... நல்ல வேளை... தமிழகம் தப்பித்துக்கொள்கிறது.

ஆனால் இப்படி அடிக்கடி நடக்கிறதே.
 அந்த யாரோ ஒருவர் யார். ?
  இவர் டான்சியில் தான் போட்ட கையெழுத்தை தனது இல்லை என்று சொன்னதுதான் நினைவுக்கு வருகிறது.

பேஸ்புக் தள பயன்பாடு இலவசம்

நோக்கியா மற்றும் பேஸ்புக் நிறுவனங்கள் இணைந்து, பேஸ்புக் தளப் பயன்பாட்டினை இலவசமாக வழங்குகின்றன. நோக்கியாவின் ஷா 501 மொபைல் போன் வாங்குவோருக்கு இந்த இலவச சேவை வழங்கப்படுகிறது.
பேஸ்புக் தளம் பயன்படுத்துவதற்கான, அப்ளிகஷன் புரோகிராமினை இலவசமாக நோக்கியா 501 மொபைல் போனில் நோக்கியா தருகிறது.
 Foursquare, LinkedIn, Nimbuzz, Twitter ஆகியவற்றுக்கும் அப்ளிகேஷன்கள் இந்த போனில் தரப்படுகின்றன. இந்த ஆண்டு தொடக்கத்தில், ஏர்டெல் நிறுவனம், தங்களின் ப்ரீ பெய்ட் வாடிக்கையாளர்களுக்கு, பேஸ்புக் தளத்தை அணுகிப் பயன்படுத்த இலவச அனுமதி கொடுத்தது. ரிலையன்ஸ் மாதம் ரூ. 16 பெற்றுக் கொண்டு, பேஸ்புக் தளத் தொடர்பினை வழங்கியது. முதல் முறையாக, நோக்கியா போன்ற மொபைல் போன் தயாரிக்கும் நிறுவனம், பேஸ்புக் நிறுவனத்துடன் இணைந்து இந்த சலுகையினைத் தருகிறது.
இந்தியாவில் மட்டுமின்றி, ஆப்பிரிக்காவிலும் இந்த சலுகை வழங்கப்படுகிறது.
இங்கு, வரும் ஜூன் மாதம் வர்த்தக ரீதியாக வெளியாக இருக்கும், நோக்கியா ஆ
ஷா 501 போனுடன் இந்த சலுகைக் கட்டாயமாகக் கிடைக்கும்.

---------------------------------------------------------------------------------------------------------------------------------

மூளையில் இரத்தக் கசிவு
-------------------------------------------------------
ஏற்படுவதால் வரும் வாத நோய் வந்து நடமாட்டம் மோசமாகப் பாதிக்கப்பட்டிருந்த நபர்களுக்கு குருத்து உயிரணுக்களைக் கொடுத்து ஸ்கொட்லாந்தில் செய்யப்பட்ட பரிசோதனை முறை சிகிச்சையில் அவர்கள் குணமடைவதற்கான சிறு அறிகுறிகள் தென்படுகின்றன.

மனிதக் கருவிலிருந்து எடுக்கப்பட்ட குருத்து உயிரணுக்களை இந்த நோயாளிகளின் மூளையில் செலுத்தி இந்த பரிசோதனை மேற்கொள்ளப்பட்டுள்ளது.
இவர்களது உடல் அசைவுகளிலும், விழாமல் நிற்பதிலும், சுற்றியிருப்பதை உணர்ந்துகொள்வதிலும் முன்னேற்றங்கள் தென்படுவதாகவும், இந்த சிகிச்சையால் பாதகமான மாற்றம் எதுவும் இவர்களிடம் காணப்படவில்லை என்றும் ஆய்வு காட்டுகிறது.
இந்த முன்னேற்றங்களைக் கண்டு தாம் வியந்துபோயுள்ளதாக பரிசோதனை மேற்கொண்ட எடின்பரோ பல்கலைக்கழக விஞ்ஞானிகள் கூறுகின்றனர்.
ஆனால் இந்த சிகிச்சை முறையின் தீர்க்கமான முடிவாக இதனை எடுத்துக்கொள்ள முடியாது என்று இவர்கள் கூறுகின்றனர்.
நோயாளிகளுக்கு குருத்து அணுக்களைக் கொண்டு சிகிச்சை வழங்குவது தொடர்பில் உலகில் நடந்துவரும் முதல் சில ஆய்வுகளில் இதுவும் ஒன்றாகும்.

--------------------------------------------------------------------------------------------------------------------------------

குடிப்பழக்கத்திற்கு 

அடிமையானவர்களை மீட்க புதிய மருந்தை இங்கிலாந்து விஞ்ஞானிகள் கண்டுபிடித்துள்ளனர். "மருந்தை உட்கொள்வதின் மூலம் 61 சதவீதம் வரை மது அருந்தும் பழக்கம் கட்டுப்படுத்தப்படும் " என ஆராய்ச்சியாளர்கள் தெரிவித்துள்ளனர்.

குடிப்பழக்கத்திற்கு அடிமையானவர்களின் எண்ணிக்கை நாளுக்கு நாள் அதிகரித்து வருகிறது. இதனால், மது அருந்துபவர்களின் உடல் நிலை மோசமடைவது மட்டுமின்றி, ஏராளமான விபத்துகள் மற்றும் சமூக விரோத செயல்கள் நிகழ்கின்றன.

குடிகளால் ஏற்படும் விபரீதங்களை தடுப்பது எப்படி என்பது குறித்து விஞ்ஞானிகளின் நீண்ட கால ஆராய்ச்சிக்குப் பின், இதற்கு தீர்வு கிடைத்துள்ளது. இங்கிலாந்து விஞ்ஞானிகள் குழு, தன் ஆராய்ச்சியின் பயனாய், புதிய மருந்து ஒன்றை அறிமுகம் செய்துள்ளது.

இது தொடர்பாக விஞ்ஞானிகள் வெளியிட்டுள்ள அறிக்கையில், "இந்த மருந்தை உட்கொள்வதின் மூலம், 61 சதவீதம் வரை குடிப்பழக்கத்திலிருந்து மீள முடியும். இந்த மருந்து, இங்கிலாந்து அரசின் ஒப்புதலுடன், விற்பனைக்கு வந்துள்ளது. மாத்திரை வடிவில் வெளியிடப்பட்டுள்ள இதற்கு, "செலின்க்ரோ' என்று பெயரிடப்பட்டுள்ளது. மோசமான குடிப்பழக்கத்திற்கு அடிமையான ஒருவர், ஒரு நாளைக்கு, ஒரு மாத்திரை உட்கொள்வதின் மூலம், 61 சதவீதம் வரை மது அருந்துவதற்கான பழக்கத்தில் இருந்து விடுபடலாம். இந்த மருந்தை உட்கொள்வதால், எவ்வித பக்க விளைவுகளும் ஏற்படாது" என்று கூறப்பட்டுள்ளது.

Continue reading →

இந்தியாவுக்கு ஒரே முகம்தான்

“இலங்கைப் பிரச்சினையில் இந்தியாவுக்கு இரட்டை முகம்- இரட்டை நாக்கு என்று உங்கள் தமிழக அரசியல்வாதிகள் விமர்சிக்கிறார்கள். ஆனால், இந்தியாவுக்கு ஒரே முகம்தான்- ஒரே நாக்குதான். அது எப்போதும் இலங்கை அரசுக்கு ஆதரவாகவே இருக்கும்’ 

என்கிறார்கள் இந்தியத் தலைநகரத்தில் உள்ள உயரதிகாரிகள்.

அவர்களே மேலும், “பிரபாகரனின் மகன் பாலச்சந்திரன் கொடூரமாக சுட்டுக் கொல்லப்பட்ட புகைப்படம் இந்திய நாடாளுமன்றம் வரை அதிர்வை ஏற்படுத்தியபிறகும், கொடுங்கோலன் ராஜபக்சேவிடமிருந்து பேட்டி என்ற பெயரில் திமிர்த்தனமான வார்த்தைகள் வெளிப்படுகிறதென்றால் அதன் பின்னணி என்ன’ என்றும் கேட்கிறார்கள்.

“அப்படி ஒன்று (பாலச்சந்திரன் படுகொலை) நடந்திருந்தால் அது எனக்குத் தெரிந்திருக்கும். ராணுவத்தைச் சேர்ந்தவர்கள் யாராவது அதை செய்திருப்பார்களேயானால் நான் அதற்கு பொறுப்பேற்றுக்கொள்வேன். ஆனால், அப்படி ஒன்று நடக்கவேயில்லை. நாங்கள் அதை முழுமையாக மறுக்கிறோம்’ என்று இந்தியாவின் பிரபல ஆங்கில நாளேட்டிற்கு இலங்கை அதிபர் ராஜபக்சே அளித்த பேட்டி, தலைப்புச் செய்தியாக வெளிவந்தது.

அந்தப் பேட்டியிலேயே, ஐ.நா.மனித உரிமை ஆணையத்தில் இலங்கைக்கு எதிராக அமெரிக்கா கொண்டு வரும் தீர்மானத்தில் இந்தியாவின் நிலை பற்றி கருத்து கூறியிருக்கும் ராஜபக்சே, “இலங்கைக்கு அருகில் உள்ள நாடு, நட்புநாடு என்ற அடிப்படையில், தான் என்ன செய்ய வேண்டும் என்பதை இந்தியா உணர்ந்தே இருக்கிறது. நான் இந்தியாவுக்கு கட்டளையிட முடியாது’ என்றும் கூறியிருக்கிறார்.

தமிழகத்தில் உள்ள அத்தனை அரசியல் கட்சிகளும் தமிழுணர்வு அமைப்புகளும், ஐ.நா.மனித உரிமை ஆணையத்தில் அமெரிக்கா கொண்டு வரும் தீர்மானத்தை இந்தியா ஆதரிக்கவேண்டும் என்று குரல் கொடுத்து வரும் நிலையில், நட்பு நாடான இந்தியா தங்கள் பக்கம்தான் நிற்கும் என்று ராஜபக்சேவால் எப்படிப் பேச முடிகிறது, அதுவும் இந்தியாவைச் சேர்ந்த ஆங்கில பத்திரிகையிலேயே எப்படி அதனை முன்பக்க செய்தியாக வெளியிடச் செய்ய முடிகிறது என்பதே டெல்லியில் உள்ள பத்திரிகையாளர்களிடையே நடைபெறும் விவாதமாகும். அவர்கள் இது குறித்து, வெளியுறவுத் துறை அதிகாரிகளிடம் பேசும்போது பல தகவல்கள் கிடைத்துள்ளன.

மனித உரிமை ஆணையத்தில் மார்ச் 4ம் திகதியன்று அமெரிக்காவின் தீர்மானம் விவாதத்திற்கு எடுத்துக் கொள்ளப்பட்டது. அதற்கு முதல்நாளே (மார்ச் 3) அந்தத் தீர்மானத்தின் முக்கிய அம்சங்கள் புலம் பெயர்ந்த தமிழர்களிடமும், இந்திய அதிகாரிகளிடமும் கசியத் தொடங்கின. போர்க்குற்றங்கள் பற்றி விசாரிக்க ஐ.நா சார்பில் சுய அதிகாரமுள்ள ஓர் அமைப்பை இலங்கைக்கு அனுப்பவேண்டும் என்பதும், இலங்கை அரசே நியமித்த எல்.எல்.ஆர்.சி எனப்படும் போர்ப்படிப்பினைகள் மற்றும் நல்லிணக்கக் குழுவின் பரிந்துரைகளை நிறைவேற்ற வேண்டும் என்றும், போரினால் பாதிக்கப்பட்ட மக்களின் நல் வாழ்வுக்கான தன்னுடைய கடமைகளை நிறைவேற்றுவதில் தனக்குள்ள பொறுப்புகளை உணர்ந்து இலங்கை அரசாங்கம் செயல்படவேண்டும் என்றும் அந்தத் தீர்மானங்கள் வரைவு செய்யப்பட்டிருப்பதாக, கடந்த ஞாயிறு அன்று கசிந்த தகவல்களின் தொடர்ச்சியாக, இவற்றுக்கு ஒத்துழைக்கவோ பொறுப்பேற்கவோ இலங்கை அரசாங்கம் தவறினால், ஈரானைப் போல இலங்கை மீது பொருளாதாரத் தடைகள் விதிக்க ஐ.நா. சபை மூலமாக நடவடிக்கைகள் மேற்கொள்ளப்படும் என்றும் கடுமையான வாசகங்கள் அந்தத் தீர்மானத்தில் இருப்பதாகவும் தகவல் வெளிவந்தது.

ஐ.நா. மனித உரிமை ஆணையத்தில் உள்ள 47 நாடுகளில் அமெரிக்காவின் தீர்மானத்திற்கு ஐரோப்பிய நாடுகள் உள்பட 30 நாடுகளின் ஆதரவு உறுதியாகிவிட்டது. மேலும் சில நாடுகளும் ஆதரிக்க முன்வந்துள்ளன. இந்த ஆணையத்தில் இலங்கையின் கூட்டாளிகளான சீனாவும் ரஷ்யாவும் இல்லை. இந்தியா மட்டும்தான் இருக்கிறது. அதனால், இந்தியா இந்தத் தீர்மானத்தை ஆதரிப்பது மிக முக்கியமானது என்பதை தமிழகக் கட்சிகள் மட்டுமல்ல, உலக நாடுகளும் எதிர்பார்க்கின்றன. ஆனால், இந்தியா திங்கள் இரவு வரை (மார்ச் 4) இந்தத் தீர்மானத்தை ஆதரிக்கும் நிலையில் இல்லை.

தமிழக எம்.பிக்கள் ராஜ்யசபாவில் கொண்டு வந்த சிறப்பு கவன ஈர்ப்புத் தீர்மானத்தின்போது பதிலளித்த வெளியுறவுத்துறை அமைச்சர் சல்மான் குர்ஷித், “இலங்கையின் உள்விவகாரங்களில் மத்திய அரசால் தலையிடமுடியாது. இலங்கைக்கு எதிராக அமெரிக்கா தீர்மானத் தைக் கொண்டு வருகிறது என்பதற்காக இந்தியாவும் அதைப் பின்பற்ற வேண்டிய அவசியம் கிடையாது’ என்று அதிரடியாகவே சொன்னார். 
 தமிழகத்திற்கு வந்த மத்திய இணையமைச்சர் நாராயணசாமியும், இந்தத் தீர்மானத்தை ஆதரிப்பது தொடர்பாக இன்னும் இறுதி முடிவெடுக்கவிலை என்ற உண்மையைச் சொல்லிவிட்டு, பத்திரிகையாளர்களையும் தமிழர்களின் உணர்வையும் சமாளிக்கும் விதத்தில், “கடந்த முறை என்ன நிலைப்பாடு எடுக்கப்பட்டதோ அதுவே இப்போதும் மேற்கொள்ளப்படும்’ என்றார்.

“கடந்த முறை ஐ.நா. மனித உரிமை ஆணையத்தில் கொண்டு வரப்பட்ட தீர்மானத்தைத் தி.மு.க உள்ளிட்ட தமிழகக் கட்சிகளின் தொடர் அழுத்தத்தால் இந்தியா ஆதரித்தது என்றாலும், அதன் சாரத்தைக் குறைக்கும் வேலையையும் செய்தது’ என்கின்ற டெல்லி அதிகாரிகள், “இந்த முறையும் எப்படியாவது அமெரிக்கத் தீர்மானத்தின் வலிமையைக் குறைக்கும் வேலைகளில் இந்தியாவும் இலங்கையும் முழு மூச்சாக உள்ளன’ என்கிறார்கள். அவர்களிடம் மேலும் விரிவாகப் பேசினோம்.

இந்த முறை தீர்மானம் நிறை வேற்றப்படுவது உறுதி. 47 நாடுகளின் முழு ஆதரவுடன் ஒரு மனதாக நிறைவேற்ற வேண்டும் என வல்லரசான அமெரிக்கா எதிர்பார்க்கிறது. ஒரு மனதாக நிறைவேற்றும்போது வாக்கெடுப்புக்கு அவசியமிருக்காது. அதுதான் தனக்கு நல்லது என இந்திய அரசும் நினைக்கிறது. வாக்கெடுப்பு இல்லாத தீர்மானம் என்றால், ஆதரவா எதிர்ப்பா என்ற தனது நிலையை இந்தியா வெளிப்படுத்த வேண்டிய தில்லை. ஆனால், வாக்கெடுப்பு இல்லாத தீர்மானமாக இது நிறை வேறுவது, இலங்கையின் கையில்தான் உள்ளது. கடந்த முறை, தீர்மானத்தை எதிர்த்து வாக்களிக்கும்படி பல நாடுகளிடமும் இலங்கை லாபி செய்து தோல்வியடைந்தது. இந்த முறை, அப்படி லாபி செய்யவேண்டியதில்லை என்றும் தீர்மானத்தை ஒருமனதாக நிறைவேற்ற அனுமதிப்பதே இப்போது தன்னைச் சூழ்ந்துள்ள அழுத்தத்தை எதிர்கொள்ள சரியான வழி என்றும் இலங்கை நினைப்பதாக டெல்லி அதிகாரிகள் கூறினார்கள்.

தீர்மானம் நிறைவேறினால் இலங்கைக்குத்தானே நெருக்கடி என்று கேட்டதற்கு, “தீர்மானத்தில் உள்ள அம்சங்களை நிறை வேற்ற இலங்கை அரசு பொறுப்பேற்றுக்கொள்வதாகக் கூறும். உலக நாடுகளும் அதனை அனுமதிக்கும். 
இலங்கை, இறையாண்மையுள்ள நாடு என்பதால், தன்னுடைய பொறுப்பை நிறைவேற்ற அவகாசம் தேவை எனக் கோரும். ஐ.நா. விதிகளின்படி இதற்கும் அனுமதி கிடைக்கும். அந்த அவகாச நேரம் என்பது அநேகமாக ஒன்றரை ஆண்டுளாகக்கூட இருக்கலாம். இந்தக் கால இடைவெளியை தனக்கு சாதகமாகப் பயன்படுத்திக்கொள்ளலாம் என ராஜபக்சே நினைக்கிறார். அதற்கு, இந்தியாவின் உதவியையும் நாடியிருக்கிறார். 

இந்தியாவும் இதைத்தான் விரும்பு கிறது’ என விரிவாகவே விளக்கினர் வெளியுறவுத் துறை அதிகாரிகள்.

இந்திய வெளியுறவுத் துறை என்பது மற்ற துறைகளைப் போல அந்தத் துறை அமைச்சரின் கட்டுப்பாட்டில் உள்ளது அல்ல. ஆளுமைமிக்க அதிகாரிகளின் கண்ட்ரோலிலேயே உள்ளது. ஈழத்தமிழர்கள் பற்றி ஒருபோதும் கவலைப்படாமல் இலங்கையுடனான நட்புறவையே பெரிதாக நினைக்கும் அவர்கள் கட்சிஅரசியலுக்கு அப்பாற்பட்ட நடவடிக்கைகளையும் மேற்கொள்கிறார்கள் என்ற தகவல் தலைநகர உயர்மட்டத்திலிருந்து கசிந்தது. அண்மையில் சுப்ரமணியசாமி, இலங்கை சென்று ராஜபக்சேவை சந்தித்ததன் பின்னணியும் இதுதான் என்கிறார்கள்.
 தமிழர் பிரச்சினையில் இந்தி யாவுக்கு நெருக்கடி கொடுப்பது போன்ற வார்த்தைகளை வெளியிட வேண்டாம் என்றும், ஐ.நா. தீர்மானத்தைப் பொறுத்தவரை ஒரு கட்டத்தில் இலங்கைக்கு ஆதரவாக இந்தியா செயல்படும் வாய்ப்பும் உள்ளது என்றும் ராஜபக்சேவிடம் சாமி பேசியிருப்பதாகக் கூறுகிறார்கள். மனித உரிமை ஆணையத்தில் நிறைவேற்றப்படும் தீர்மானம், ஐ.நா. பொதுமன்றத்திற்குச் செல்லும். அங்கு நிரந்தர உறுப்பு நாடுகளாக உள்ள சீனா, ரஷ்யா போன்றவற்றின் துணையுடன் வீட்டோ அதிகாரத்தைப் பயன்படுத்தி, இலங்கை மீது பொருளாதாரத் தடை விதிக்காமல் செய்யமுடியும் என்பதெல்லாம் ராஜபக்சேவுக்கு இந்தியா அனுப்பியுள்ள  செய்திகளாம்.

"தமிழக அரசியல் கட்சிகள் தங்களுடைய சொந்த நலன்களுக்காகப் பெயரளவில் போராட் டங்களை நடத்திக் கொண்டுதான் இருக்கும் என்பதே இந்திய அரசின் கணிப்பு.

 அவற்றை சமாதானப்படுத்தும் விதத்தில், ஒன்றிரண்டு தற்காலிக அறிவிப்புகளை மட்டும் வெளியிட்டு விட்டு, 

நீண்டகால நோக்கில் இலங்கையைக் காப்பாற்றும் முயற்சிகளை இந்திய அரசு தொடர்ந்து மேற்கொள்ளும் "என்று தலைநகர அதிகாரிகள் அரசின் தற்போதைய செயல்பாடுகளை விரிவாகவே சுட்டிக்காட்டினார்கள்.

Source: Eelamboys

நன்றி:விஷ்ணுகொபிகாசொக் 

-------------------------------------------------------------------------------------------------------------------------------------

Continue reading →

தண்ணீர் வர்த்தகம்

நாட்டை கண்ணீரில் தள்ளிவிடும்....

“இந்தியாவில் பிரிட்டிஷ் ஆட்சியால் ஏற்படப் போகும் விளைவுகள்”

கட்டுரையில் கார்ல் மார்க்ஸ் இவ்வாறு கூறுகிறார்: “வரலாற்றின் முதலாளித்துவ கால கட்டம் புதிய உலகத்திற்குரிய பொருளாயுத அடித்தளத்தைப் படைத்துருவாக்க வேண்டுமெனில்:ஒரு புறத்தில் மனிதகுலத்தின் பரஸ்பர சார்பு நிலை மீது தோற்றுவிக்கப்பட்ட சர்வவியாபகமான ஒட்டுறவையும் அந்த ஒட்டுறவுக்கான வழிவகைகளையும் உருவாக்க வேண்டும்; மறுபுறத்தில் மனிதனின் உற்பத்தி ஆற்றல்களை வளப்படுத்துவதும்பொருள்வகை உற்பத்தியை இயற்கை காரணத்துவங்களை (Natural Agencies) விஞ்ஞான பூர்வமான மேலாண்மையாக உருமாற்றப்படுவதையும் வளர்த்துச் செல்ல வேண்டும்.

மண்ணியல் புரட்சிகள் பூமியின் மேல் பரப்பைப் படைத்துருவாக்கியிருப்பது போன்று அதே வழிகளில் முதலாளித்துவத் தொழில்துறையும் வாணிகமும் புதிய உலகத்துக்கான இந்தப் பொருளாயத நிலைமைகளைப் படைக்கின்றன.” மார்க்ஸின் கூற்றை உண்மையாக்கும் விதமாக உலகமயமாக்கல் தற்போது உலகை கிராமமாக சுருக்கி, மனிதகுலத்தை நாடுகளில் எல்லை கடந்த “சர்வவியாபகமான ஒட்டுறவு உடைய வர்த்தக” சமூக மாக மாற்றியுள்ளது. அதேபோல இயற்கை வளங்களை, “விஞ்ஞான பூர்வமான மேலாண்மை” மூலம் வர்த்தக பண்டங்களாக மாற்றி உள்ளது உலகமயத்தின் தத்துவமான சந்தை பொருளாதர வணிகம்.

அந்த வகையில் இயற்கையின் கொடையான எண்ணெய்க்கு அடுத்தப்படியாக நீர் இன்று மிக பெரிய வர்த்தகப் பொருளாக மாறிவருகிறது.

 நீருக்கு தனி கடவுகளை கொண்டிருக்கும் இந்தியாவும் இதற்கு விதிவிலக்கல்ல. “தேசிய நீர்க் கொள்கை வரைவு - 2012” என்கிற திட்ட வரைவு ஒன்றை இந்திய நீர்வள அமைச்சகம் சில மாதங்களுக்கு முன்பாக தனது இணைய தளத்தில் வெளியிட்டது.இந்த கொள்கை வரைவு குறித்தான பொது கருத்தும் கேட்கப்பட்டுள்ளது.
இதற்கு முன் 2002-ல் ஒரு தேசிய நீர்க்கொள்கை வெளியிடப்பட்டு அது அமலிலும் இருந்து வருகிற நிலையில், எவ்வித காரணமும் முன்தேவையும் கூறாமல் புதிய தேசிய நீர்க்கொள்கை வரைவு தீட்டப்பட்டுள்ளது.

“இந்தியாவில் மிகவும் அடிமட்ட விலையில் விற்கப்படும் ஒரே பண்டம்தான் தண்ணீர். இதை மாற்றியமைக்க வேண்டும்” என்று கூறிய திட்டக் கமிசனின் துணைத் தலைவர் மான்டேக்சிங் அலுவாலியாவின் வழிகாட்டுதலில் இந்த அறிக்கை தயாரிக்கப்பட்டுள்ளது.

உலகமயம்- தண்ணீர் வர்த்தகம்: 

சந்தைப் பொருளாதரத்தை முன்னெடுத்து செல்லும் உலக வர்த்தகக் கழகத்தின் காட் (GATT) ஒப்பந்தம் தண்ணீரை வர்த்தக பண்டமாக வரையறுத்துள்ளது. ஒரு நாட்டில் இருந்து மற்றொரு நாட்டுக்கு வர்த்தக அடிப்படையில் நீர் உள்ளிட்ட இயற்கை வளங்கள் ஏற்றுமதி மற்றும் இறக்குமதி செய்யப்படுவது தடைச் செய்யக் கூடாது என்று கூறுகிறது காட் ஒப்பந்தம். இதன் பொருள் பன்னாட்டு நிறுவனங்கள் இயற்கை வளங்களை சுரண்டி விற்கும் வர்த்தகத்தை சமூக நலன், சூழலியல் பாதுகாப்பு என்னும் பெயரில் தடை செய்ய கூடாது என்பது தான்.

உலக வர்த்தகக் கழகத்தின் கொள்கைப்படி தண்ணீர் வினியோகம், மற்றும் மேலாண்மை போன்றவற்றை தனியார் நிறுவனங்களிடம் விட்டுவிட வேண்டும். அதாவது அரசு என்பது தண்ணீரை வினியோகம் செய் யும் சேவை மையமாக இருப்பதில் இருந்து தன்னை விடுவித்து கொண்டு, அந்த பொறுப்பை தனியார் நிறுவனங்களுக்கு விட்டுவிட வேண்டும். கூடுதலாக, தண்ணீர் தொடர்பான வர்த்தகம் செயல்களை வரையறுத்து உலக வர்த்தக கழகத்தின் மற்றொரு ஒப்பந்தமான காட்ஸ் (GATS) கூறுகிறது.

இந்த ஒப்பந்தம் வர்த்தக சேவை துறையில் தண்ணீ ரின் பங்காக, அதாவது நீர் வணிகம் செய்ய ஏற்ற செயல்களாக இவற்றை எல்லாம் கூறுகிறது: நீர்க் கழிவு மேலாண்மை, குடிநீர் வழங்குதல், கழிவு நீர் அகற்றல், நீர்க் குழாய்களை அமைத்தல், குடிநீர் தொட்டிகளை அமைத்தல், நிலத்தடி நீர் மேலாண்மை, விவாசயத்திற் கான நீர்ப்பாசனம், அணைகள் கட்டுமானம், தண்ணீர் வியாபாரம் மற்றும் தண்ணீர் போக்குவரத்து சேவை. இந்த பணிகளை மேற்கொள்ளும் பல பன்னாட்டு இன் னாட்டு நிறுவனங்களை நாம் அறிவோம். விவெண்டி, சூயஸ், பெக்டெல் முதலான உலக அளவில் தண்ணீர் வியாபாரத்தில் முதன்மையாக உள்ள பத்து நிறுவனங் கள், 150 நாடுகளில் 200 கோடி வாடிக்கையாளர்களுக்குத் தண்ணீர் விநியோகம் செய்து வருகின்றன.

சுருக்கமாக கூறவேண்டும் என்றால் தண்ணீர் தனியார்மயமாக வேண்டும் என்று உலக வர்த்தகக் கழகம் கூறுகிறது. உலக வங்கியும் கூறுகிறது. பல நாடுகளில் பின்பற்றப்படும் நடைமுறைகளைக் கொண்டு தண்ணீர் தனியார்மயமாகும் வழிவகைகளாக மூன்றை கூறலாம்: முதலாவது ஒட்டுமொத்தமாக தண்ணீர் வினியோகம் மற்றும் மேலாண்மையை தனியாரிடம் ஒப்படைத்துவிடுவது. இந்த முறை இங்கி லாந்து நாட்டில் பின்பற்றப்படுகிறது. இரண்டாவது, நீர் வினியோகம் மற்றும் மேலாண்மையை நீண்ட காலத்திற்கு தனியார் நிறுவனங்களுக்கு குத்தகை விடு வது. இந்த முறை பிரான்சு நாட்டில் பின்பற்றப்படுகிறது. மூன்றாவது முறை தனியாரிடம் நீர் மேலாண்மையின் நிர்வாகத்தை ஒப்படைத்துவிடுவது.


----------மேலும் படிக்க --------------------------->>>>>>

நன்றி:கீற்று 

----------------------------------------------------------------------------------------------------------------------------------

கமலின் "விஸ்வரூபம்" 

--------------------------------

விஸ்வரூபம் திரைப்படம் குறிப்பிட்ட தேதியில் வெளியிடப்படும் , டிடிஎச் ஒளிபரப்பில் எந்தவித மாற்றமும் இல்லை என்று நடிகர் கமல்ஹாசன் கூறியுள்ளார்.

.

கமல்ஹாசன் கதாநாயகனாக நடித்து, டைரக்டு செய்திருக்கும் புதிய படம், விஸ்வரூபம். இந்த படத்தில் அவருக்கு ஜோடிகளாக பூஜா குமார், ஆன்ட்ரியா ஆகிய இருவரும் நடித்து இருக்கிறார்கள். ரூ.95 கோடி செலவில், மிக பிரமாண்டமான முறையில் படம் தயாராகி இருக்கிறது. இந்த படத்தை டி.டி.எச். தொழில்நுட்பம் மூலம் டெலிவிஷ னில் ஒளிபரப்ப கமல்ஹாசன் ஏற்பாடு செய்து இருக்கிறார்.இதற்கு சில தியேட்டர் அதிபர்கள் கடும் எதிர்ப்பு தெரிவித்து வருகிறார்கள். விஸ்வரூபம் படத்தை டி.டி.எச். மூலம் ஒளிபரப்பினால், கமல்ஹாசனுக்கு ஒத்துழைப்பு கொடுக்க மாட்டோம் என்று அவர்கள் கூறியிருக்கிறார்கள். இந்த சூழ்நிலையில், கமல்ஹாசன் சென்னையில் நேற்று மாலை நிருபர்களுக்கு பேட்டி அளித்தார். அப்போது அவர் கூறியதாவது: டி.டி.எச். மூலம் படத்தை திரையிடுவது இந்தியாவிலேயே இதுதான் முதல் முறை என்று கூறுகிறார்கள். அதில் ஒரு சின்ன திருத்தம். உலகிலேயே இதுதான் முதல் முறை. உலகமே நம்பிக்கையுடன் பார்த்துக் கொண்டிருக்கிறது.சேட்லைட் தொலைக்காட்சி வந்தது போல், வேறு ஒரு பரிணாம வளர்ச்சி இது. டி.வி.யில் இலவசமாக படம் காட்டப்பட்டது. டி.டி.எச். மூலம் வருமானம் வருகிறது. இதன் மூலம் கள்ள வீடியோ தொழில் சிதைக்கப்பட்டு, வருமானம் எங்களுக்கு வந்து சேரும்.ஆனால் சிலர், திருடன் கொண்டு போனாலும் பரவாயில்லை. உடையவனுக்கு லாபம் வரக்கூடாது என்று நினைக்கிறார்கள். டி.டி.எச். தொழில்நுட்பம், ஒரு கூட்டு முயற்சி வியாபாரம். இதில், யாரும் பாதிக்கப்படப் போவதில்லை. 6 மாதங்களாக விவாதித்து எடுக்கப்பட்ட முடிவு இது. தமிழ்நாடு முழுவதும் “விஸ்வரூபம்’ படத்தை திரையிட, இதுவரை 390 தியேட்டர்கள் முன்வந்துள்ளன. படத்தை திரையிட மாட்டோம் என்று சொல்பவர்களிடம், திரையிட சொல்லவில்லை. படம், குறிப்பிட்ட தேதியில் திரைக்கு வரும்.ஏர்டெல், சன், டிஷ், வீடியோகான், ரிலையன்ஸ் ஆகிய 5 டி.டி.எச். நிறுவனங்கள், விஸ்வரூபம் படத்தை ஒளிபரப்ப முன்வந்துள்ளன. .இவ்வாறு கமல்ஹாசன் கூறினார். ' நீண்ட காலமாக சினிமாவில் இருக்கிறீர்கள். ஆனாலும், உங்களுக்கு பொருளாதார நெருக்கடி இருப்பதாக கூறப்படுகிறதே?’’ என்று கேட்கப்பட்டது. அது பற்றி  கமல்ஹாசன்  '"பொருளாதார நெருக்கடி என்று நீங்கள்தான் சொல்கிறீர்கள். நான் சொல்லவில்லை. எனக்கு எந்த குறையும் இல்லை. நெருக்கடி, எல்லோருக்கும் வரும். டாட்டா, பிர்லாவுக்கும் வந்திருக்கிறது.பஸ்சில் போய்க்கொண்டிருந்த என்னை, “ஆடி’ காரில் போக வைத்து இருக்கிறீர்கள். ரசிகர்கள், என்னை வசதியாகத்தான் வைத்து இருக்கிறார்கள்"   பதில் கூறினார். ----------------------------------------------------------------------------------------------------------------------------------

Continue reading →

புலம்பல்கள் - 19/09/2012

இன்று முழு முதற்கடவுள் விநாயகனுக்கு பொறந்த நாள், மனிதர்களை போல் கேக் வைத்து கொண்டாட கூடாது என்ற வீட்டம்மாவின் அன்புக் கட்டளை காரணமாக, பிள்ளையாருக்கு பிடித்தமான அயிட்டங்கள் வாங்க கடைக்கு சென்றேன்...

http://muthuchitharalkal.blogspot.com/2012/09/19092012.html

Continue reading →

கூடங்குளம் - மக்களாட்சியின் வெற்றி

அணு உலை ஆபத்தானது என்பதில் யாருக்கும் எந்த மாற்று கருத்தும் இருக்க முடியாது. அதே நேரம் இப்போது உள்ள அரசியல் சூழ்நிலையில் எந்த கட்சி ஆட்சி செய்தாலும் இதே செயலைத்தான் காவல்துறையை வைத்து நிகழ்த்தியிருக்கும் என்பதிலும் ஐயம் கிடையாது. 

http://muthuchitharalkal.blogspot.in/2012/09/blog-post_11.html

Continue reading →